Բարի գալուստ Մեր Ընկերություն

TIX.NET հարթակի բիզնես մոդելը հիմնված է միայն հարթակով վաճառված տոմսերից միջնորդավճարների գանձման վրա։ Միջնորդավճարը կազմում է X-ից Y% յուրաքանչյուր գործարքի գումարից և այդպիսին է լինելու միշտ։ TIX.NET-ը տրամադրում է ուղևորափոխադրող ընկերություններին միասնական պլատֆորմ գրանցվելու և գրանցելու սեփական տրանսպորտային ուղղություններ, ինչպես նաև վաճառելու այդ ուղղությունների տոմսերը էլեկտրոնային եղանակով։ Հաջող գրանցվելուց հետո անմիջապես ընկերության տրանսպորտային ուղղության տոմսերը կհայտնվեն TIX.NET տոմսերի վաճառքի առցանց միասնական մոդուլում՝ տվյալ պահից սկսած գնելու հնարավորությամբ։ Ընկերությունները գնված տոմսերի գումարները կստանան իրենց բանկային հաշվեհամարներին նախապես նշված ժամկետներում։ Գրանցման ժամանակ տրանսպորտային ընկերությունը կհաստատի համագործակցության օֆերտան, որտեղ նշված կլինեն փոխադարձ պարտավորությունները և իրավունքները։ Գնորդը հնարավորություն կունենա պարզ գրանցման կամ վերիֆիկացիայի միջոցով գնել ՀՀ տարածքի և դեպի այլ երկրների ավտոբուսային կամ երկաթգծի էլեկտրոնային տոմսեր, ամրագրելու իր ուղևորությունը նախապես արագ և առանց լրացուցիչ բարդությունների։ Էլեկտրոնային տոմսերը կպարունակեն ուղևորության համար անհրաժեշտ բոլոր տվյալները, այդ թվում նաև մեկանգամյա վավերացման կոդեր (QR, Barcode), որոնք կօգտագործվեն հատուկ սարքերով՝ տեղում, ուղևորությունից անմիջապես առաջ։ Հարթակը ունի գնված տոմսերի ետվերադարձի ճկուն քաղաքականություն։ Բիզնես մոդելը հիմնված է թվային տեխնոլոգիական լուծումների և նորարարության հիմքի վրա։ Ծառայությունը իրենից ենթադրում է ուղևորափոխադրողի ուղիղ հասանելի կապի ապահովում ուղևորի հետ՝ կողմերին փոխադարձ տրամադրելով հուսալի թվային լուծումներ։

TIX.NET-ը աշխատում է սեփական մշակման ծրագրային լուծմամբ։ TIX.NET-ը հիմնված է թվային տեխնոլոգիական լուծումների և միջազգային լավագույն փորձի համադրման ու ստանդարտավորման վրա։ Համակարգը թույլ է տալիս էլեկտրոնային եղանակով գրանցվել, տեղադրել տրանսպորտային ուղղությունների տոմսեր, վաճառել, գնել ամբողջությամբ էլեկտրոնային միջավայրում և օգտագործել տոմսերը հատուկ մեկնման վայրերում, ավտոկայաններում, կայարաններում տեղադրված թվային սարքավորումների միջոցով։ Համակարգը թույլ է տալիս հետևել տոմսերի գնման ընթացքին, հետևել ուղևորության ընթացքին և ունի գնորդների հետ հետադարձ կապի նորարարական լուծումներ։ Համակարգի բազմակողմանի որոնողական համակարգը թույլ է տալիս գնորդներին գտնել լավագույն տոմսերը իրենց հարմար պայմաններով։ Տարբեր վճարային եղանակների հասանելիությունը, նոր ինտեգրացիաները և թարմացումները համակարգի վճարման միասնական մոդուլում թույլ են տալիս գնորդներին ընտրել վճարման ցանկացած հասանելի եղանակներից մեկը, պարզ, մի քանի քայլով կատարել տոմսերի գումարի վճարումը և էլեկտրոնային տոմսը անմիջապես ստանալ նշված էլեկտրոնային ռեսուրսի վրա։ Համակարգի հաշվետվողականության և փոխգործելիության շնորհիվ լավ հնարավորություն է ստեղծված ուղևորափոխադրող ընկերություններին կատարել տվյալահեն վերլուծություն և զարգացնել սեփական բիզնեսը ճիշտ ուղղվածությամբ, իսկ ուղևորներին առավել ճշգրիտ ու փոխշահավետ պլանավորել ուղևորությունները։ TIX.NET կազմակերպության կողմից թվային նորարարական տեխնոլոգիաների ու լուծումների ներդումը և ստանդարտների կիրառումը, այն դարձնում են տրանսպորտային էլեկտրոնային տոմսերի շուկայում միշտ մրցունակ և լավագույն լուծումներ առաջարկողներից մեկը։ Համակարգը իր ապարատածրագրային կազմով և սերվերային ենթակառուցվածքով նախատեսված է սպասարկելու մի քանի հազարավոր տոմսեր և տասնյակ հազարավոր ուղևորություններ միաժամանակ։ TIX.NET հարթակի գաղափարային հենքը տրանսպորտային էլեկտրոնային տոմսերի կիրառման պրոցեսներում արդի թվային լուծումներին և ավտոմատացված տեխնոլոգիաներին համապատասխան զարգացումն է, միջազգային լավագույն փորձի և ստանդարտների հիման վրա բարձր որակի ապահովումը իր գործունեության բոլոր պրոցեսներում։ TIX.NET հարթակը հիմնված է ստեղծարար բանական մտքի զարգացման ու իրագործման վրա և այդպես է լինելու միշտ։ TIX.NET հարթակի պարզ կառուցվածքը և ճկուն գործիքակազմը թույլ են տալիս այն դարձնել առավել հասանելի հասարակության և բիզնես հատվածի տարբեր շերտերի համար։